Primu Assemblea de is Atzionistas
Istimadu atzionista,
gràtzias a s’agiudu cosa tua sa Natzionale Sarda est diventada realidade. Su 19 de martzu sa Natzionale sarda at incomintzadu su caminu binchende 7-1 contra de sos Istràngios de Sardigna (un’iscuadra rapresentativa de sos istràngios chi giogant in Sardigna).
Pro nos atzapare totus impares, arresonare e nos connoschere de prus cherimus pònnere in pees su primu atòbiu de sos atzionistas. Si amus a bìdere in Pabillonis in su Tzentru de Agregatzione Sotziale, in Ruga Su Rieddu, 1 (Mappa), su 7 de Abrile a sas 10:30 de mangianu. At a èssere s’ocasione pro seberare in manera democràtica su Rapresentante de sos Atzionistas, chi at a batire sa boghe de sos atzionistas in su diretivu de sa Natzionale.
A pustis de s’Assemblea, pro chi cheret abarrare, ddoe at a èssere su pràngiu sotziale pro sighire a chistionare a pitzus de sa Natzionale Sarda, de s’isport e de sa cultura in generale in de antis a unu bona tassa de binu unu bellu pratu de cosa de papare. Si cheres bènnere in paris a sa famìllia cosa tua ses bene agatadu.
Leghe su regulamentu e Candida·ti!
*pro mandigare costat 20€/Sardex pro sos mannos, 10€/Sardex pro sos pitzinnos. Prenota fintzas a su 4 de Abrile.
Tenimus bisòngiu de totu sas ideas e de sa gana de traballare cosa bostra pro sighire a su traballu nostru cun su bisu originàriu e amus a arresonare a pitzus de sa pròssima partida cun sa Còrsica, in ue isperamus de tènnere prus gente a fàere su tifu pro sa Sardigna.
Si cumbidamus a iscrìere a sa mail atzionariadu@fins-sardigna.net o in sos canales social si tenides cunsideros o ideas de nos giare.
Unu saludu mannu e Fortza Sardigna!
FINS – Federatzione Isport Natzionale Sardu
Documentos:
Avisu: Eletzione de su rappresentate de sos atzionistas
Regolamentu: Eletzione de su Rappresentante de sos atzionistas
Rolu de su Rappresentante de sos atzionistas