Sa donatzione fata in favore de sa Federatzione Isport Natzionale Sardu – FINS non cumportat s’assotziatzione de su donante a s’assòtziu chi amus naradu, e de cunseguèntzia, non faghet nàschere perunu deretu sotziale in favore de s’oferente, su cale, in su matesi tempus, no assumet perunu dovere e/o òbligu cara a sa FINS.
Cun s’adesione a sa campagna promotzionale #SaNatzionaleEstSaMia ammaniada dae FINS, su sutiscritore detzidet de amparare economicamente s’assòtziu (cun su versamentu mìnimu de 1 €) e atzetat de leare parte a sas detzisiones de sa FINS in sos lìmites e cun sas modalidades chi amus a definire.
Su sutiscritore decrarat chi at leadu visione e at atzetadu in cada parte sua (sena riserva peruna) sas dispositziones presentes chi pertocant sos raportos intre oferente e FINS nàschidos cun s’adesione a sa campagna promotzionale #SaNatzionaleEstSaMia.
