FINS intrat in CONIFA pro fàghere sa natzionale sarda de bòcia
English Version · Versione in Italiano
FINS – Federatzione Isport Natzionale Sardu at a rapresentare sa Sardigna in sa Cunfederatzione de is Assòtzios Indipendentes de Fùbalu (CONIFA).
Su diretivu de CONIFA at aprovadu sa rechesta de partetzipatzione de FINS, e su presidente de CONIFA Europe, Alberto Rischio, at naradu: “Semus prexiados meda de tènnere sa Sardigna che a membru de sa federatzione de fùbalu nostra. Semus cuntentos de donare sa benebènnida a FINS, a su presidente suo Gabrielli Cossu, in CONIFA.”
“Est un’onore mannu e una responsabilidade grae pro nois a rapresentare sa Sardigna a livellu internatzionale,” at istèrridu Gabriele Cossu, presidente de FINS. “Creimus chi s’isport e sa natzionale de bòcia at a agiudare sa Sardigna e sa cultura sua a si fàghere connòschere mègius in su restu de su mundu.”
Sa primu punna pro s’iscuadra sarda est cussa de lòmpere a is Campionados Europeos de Bòcia CONIFA chi ant a èssere in s’istade de su 2019 in Artsakh (Repùblica de Nagorno-Karabakh).
“In is dies chi ant a bènnere, amus a annuntziare s’iscuadra de dirigentes chi at a cuncordare s’iscuadra natzionale de bòcia,” at sighidu Cossu. “S’obietivu prus mannu nostru est cussu de interessare cantu prus sardos possìbiles, de manera chi amus a èssere prontos pro sa Copa Europea de su mese de Làmpadas 2019.”
___
Ite est FINS?
FINS – Federatzione Isport Natzionale Sardu est nàschida is su 2012, cun s’idea de rapresentare e promòvere s’isport sardu; fraighende is iscuadras natzionales sardas de totus is isports; e cuncordende e partetzipende a eventos internatzionales.
In is annos, FINS at cuncordadu partidas de amigàntzia intre sa natzionale sarda de bòcia a 5 e unas cantu seletziones internatzionales.
Ita est CONIFA?
CONIFA est su cunfederatzione internatzionale de fùbalu de is iscuadras chi non sunt iscritas a sa FIFA. In is membros suos bi sunt istados, istados non reconnotos, regiones e grupos de minoria. CONIFA est politicamente neutrale e est mandadu a in antis dae voluntàrios.